Strudel od jabuka

Sastojak;

1 kila brašna
malo soli, malo ostike
1 jaje
malo masti (stopljene) ili ulja
2 kile jabuk
mljaka voda
cukar

Pripravljanje;

Od brašna, soli, jaj, ostike i mljake vode treba umisit srednje tvrdo testo.Dobro gatreba isklofat tako da se odlipljuje od zdele, pomazat ga malo mašćon i pokrit.Testo treba počivat oko pol ure.
Jabučine se obilidu i izribljedu.Na pobrašnjen rub  rastače se testo takačicon koliko se more.
Unda ga se razvlači rukami, al se mora pazit da prsti nebi provirili kroz njega (ošiškat nokte prije).Testo obično visi preko stola, niš zato jerbo će se prefrknut nazad.
Po razvučenome testu poljije se mast ili ulje i malo mišajon razmaže da svuda dojde, po tome se rasipljedu izribane jabuke svuda jednako i onda se još pocukri.
kad je to napravno kraji od testa ki visidu van stola presumitidu se po fili i onda se štrudel zatače tako da se podižuje rub s ednoga kraja i on se sam tače.
Zatakan štrudel se more smotat u kolonbar ako je tepsija obla i ako se peče pod pekvon, more se smotat i udugačko za tepsiju a more se izrizat u štruce i vrć u tepsiju peć.
Peče se na srednjemu ognju više od pol ure.Da bi bilo morda lakše delat s teston uno se more podilit u dvi-tri loptice i svaka pose rastakevat i filat, a da bi štrudel bil finiji po jabučinami se more potrusit cimeta.
Za jako važne događaje, kraji testa od štrudela se moredu oštrin nožen odrizat da testo bude ednake debljine.
Ako su jabučine jako mokre preije nego se vržedu na testo treba i ožet.

izvor net

You may also like...

Leave a Reply

%d bloggers like this: